Cairt um Sheirbhís do Chustaiméirí

Seirbhís do Chustaiméirí

Tá meas ag an gCoimisiún um Chosaint Sonraí (DPC) ar an aiseolas a fhaighimid ó chustaiméirí tríd an mbosca ríomhphoist um sheirbhísí do chustaiméirí agus cuireadh iad seo san áireamh agus iad seo a leanas i bhforbairt na gcáipéisí seo a leanas:

  • Cairt Custaiméirí 2021 – 2023,
  • Plean Gnímh Seirbhísí Ardchaighdeáin do Chustaiméirí 2021 – 2023 agus
  • Gearánaigh Mhíréasúnta.

 

Cairt Custaiméirí 2021 – 2023

Tá an DPC tiomanta d’ardchaighdeán seirbhíse a sheachadadh agus leagann an chairt seo amach an caighdeán seirbhíse a theastaíonn uainn a chur ar fáil duitse, ár gcustaiméir. Mar chustaiméir, d’fhéadfadh tú a bheith i d’ábhar sonraí (i.e. duine aonair) nó i do rialaitheoir sonraí (eagraíocht a bhailíonn agus a rialaíonn sonraí pearsanta) nó i do phróiseálaí sonraí (eagraíocht a chuireann tasc i gcrích ina mbaintear úsáid as sonraí pearsanta, thar ceann rialaitheoir sonraí) nó i d’ionadaí ar cheann acu sin. Mar eagraíocht, tomhaisimid agus measaimid ár bhfeidhmíocht i leith na gcaighdeán seo agus tugaimid tuairisc orthu gach bliain inár dTuarascáil Bliaintúil. Tá sé mar aidhm againn seirbhís fhaisnéiseach agus chuiditheach a chur ar fáil dár gcustaiméirí agus go mbeadh a laghad moille i gceist agus is féidir.

Cairt Custaiméirí 2021 – 2023

 

Déan teagmháil leis an DPC

Más mian leat dul i dteagmháil go díreach leis an DPC ar cheist maidir le cosaint sonraí féach ar ár leathanach ‘Conas teagmháil a dhéanamh linn’ le haghaidh faisnéis reatha ar conas is féidir é seo a dhéanamh.

 

Plean Gnímh Seirbhísí Ardchaighdeáin do Chustaiméirí 2021 – 2023

Leagann an Plean Gnímh Seirbhísí Ardchaighdeáin do Chustaiméirí amach na céimeanna atá le déanamh go dtí deireadh 2023 chun na gealltanais atá leagtha amach sa Chairt Custaiméirí a chur i gcrích.

Plean Gnímh Seirbhísí Ardchaighdeáin do Chustaiméirí 2021 – 2023

 

Gearánaigh Mhíréasúnta

Is léiriú é Cairt Custaiméara an Choimisiúin um Chosaint Sonraí (DPC) ar a bhfuil an DPC agus a chustaiméirí ag dúil leis agus féachtar lena chinntiú inti go gcomhlíonann ár n-eagras na prionsabail is airde sa tseirbhís phoiblí ghairmiúil. Leagtar amach sa Chairt teidlíochtaí daoine aonair agus iad ag plé le foireann an DPC. Lena chois sin, leagtar amach go mbímidne ag dúil go dtabharfaidh daoine atá ag plé leis an DPC na fíricí uile agus go gcomhoibreoidh siad go hiomlán chun a chur ar ár gcumas plé go héifeachtach lena gcúiseanna imní faoi chosaint sonraí.

Gearánaigh Mhíréasúnta