Cé Muid Féin

Fiosrúchán maidir leis an Ghníomhaireacht um Leanaí agus an Teaghlach (Tusla)

Réimse: Údarás Poiblí

Topaic: Leanaí

Airteagal: 32

Tagairt DPC: IN-19-10-1

Dáta Cinnidh: 7 Aibreán 2020

Cuireadh tús leis an fhiosrúchán seo maidir le trí shárú ar shonraí pearsanta a chuir Tusla in iúl don DPC. Tharla na trí shárú ar shonraí pearsanta in imthosca inar theip ar Tusla sonraí pearsanta a leasú agus iad ag soláthar doiciméid do thríú páirtithe.

Tharla an chéad sárú ar shonraí pearsanta nuair a sholáthar Tusla, de thimpiste, seoladh cúramóra altrama d’athair beirt leanbh a bhí i gcúram.

Tharla an dara sárú ar shonraí pearsanta nuair a sholáthar Tusla, de thimpiste, seoladh an linbh a rinne an gearán do dhuine aonair a raibh mí-úsáid ghnéis ar an leanbh curtha ina leith agus uimhir theileafón na máthar.

Tharla an tríú sárú ar shonraí pearsanta nuair a sholáthar Tusla, de thimpiste, seoladh agus mionsonraí teagmhála tuismitheoirí altrama do sheanmháthair leanbh a bhí faoi chúram agus suíomh scoile an linbh.

  • De réir an chinnidh, sháraigh Tusla Airteagal 32(1) den GDPR nuair nár cuireadh na bearta eagraíochtúla cuí i bhfeidhm le leibhéal slándála cuí a chinntiú i leith an riosca a chuir próiseáil a shonraí pearsanta i láthair maidir le doiciméid a chomhroinnt le tríú páirtithe.
  • De réir an chinnidh freisin, sháraigh Tusla Airteagal 33(1) de GDPR mar gheall nár chuir siad an tríú sárú in iúl don DPC gan mhoill mhíchuí.

Na cumhachtaí ceartaitheacha a cuireadh i bhfeidhm

  • Forchuireadh, leis an gcinneadh, fíneáil riaracháin de €75,000 ar Tusla mar gheall ar sháruithe Airteagal 32(1) agus Airteagal 33(1).

  • Tugadh ordú, leis an gcinneadh, do Tusla oibríochtaí próiseála a cuid sonraí pearsanta a chur ar bhonn comhlíonta le hAirteagal 32(1) de GDPR trí bhearta eagraíochtúla cuí a chur i bhfeidhm le leibhéal slándála cuí i leith an riosca a chinntiú.

  • Eisíodh, leis an gcinneadh, iomarduithe maidir le sáruithe Airteagal 32(1) agus Airteagal 33(1) den GDPR do Tusla.

Le haghaidh tuilleadh eolais, léigh an cinneadh iomlán i mBéarla: Fiosrúchán maidir leis an Ghníomhaireacht um Leanaí agus an Teaghlach (Tusla) (PDF, 1.91mb).

Fiosrúchán maidir le Comhairle Chontae Chiarraí

Réimse: Údarás Poiblí

Tagairt DPC: 02-SIU-2018

Dáta Cinnidh: 25 Márta 2020

Tá an fiosrúchán seo ar cheann de líon fiosrúcháin dá dtoil féin maidir le raon leathan saincheisteanna a bhaineann le faireachas teicneolaíochtaí a mbaineann údaráis Stáit úsáid astu. Áirítear ar na torthaí a rinneadh sa chinneadh:

  • An toradh nach ndéanann an tAcht um Thruailliú ó Bhruscar 1997, an tAcht um Bainistiú Dramhaíola 1996, agus an tAcht Rialtais Áitiúil 2001 foráil do bhunús dlí don úsáid a bhaineann Comhairle Contae Chiarraí as CCTV le cionta ó thaobh bruscair a bhraith. Bhreithnigh an DPC na hAchtanna seo go cuimsitheach agus fuarthas amach nach bhfuil an phróiseáil seo maidir le sonraí pearsanta á rialú acu mar a cheanglaítear sa Treoir um Fhorfheidhmiú an Dlí, mar atá trasuite ag an Acht um Chosaint Sonraí 2018. Sa bhreis air sin, fuarthas amach sa chinneadh nach bhfreastalaíonn na hAchtanna ar na caighdeáin soiléireachta, cruinnis agus inbhraiteachta maidir le próiseáil den sórt sin mar a cheanglaítear le cásdlí na Cúirte Breithiúnais agus na Cúirte Eorpaí um Chearta an Duine.
  • Áirítear ar na torthaí eile sa chinneadh, sáruithe a bhaineann le comharthaíocht chuí agus le trédhearcacht ginearálta, easpa rialacha nó treoirlínte i scríbhinn a rialaíonn rochtain na foirne chuig CCTV, úsáid fón cliste nó gaireas taifeadta eile sa seomra monatóireachta CCTV, an cleachtas maidir le mionsonraí logála isteach le píosa scannánaíochta CCTV a rochtain a chomhroinnt agus le rianta iniúchta píosa scannánaíochta CCTV a iniúchadh, agus an ceanglas maidir le Measúnachtaí Tionchair Cosanta Sonraí, i measc nithe eile.

Na cumhachtaí ceartaitheacha a cuireadh i bhfeidhm

  • Cosc sealadach ar phróiseáil sonraí pearsanta trí cheamaraí CCTV i gcúig láthair a úsáidtear le haghaidh braith agus le gníomh forfheidhmithe a ghlacadh i gcoinne daoine atá rannpháirteach i gcaitheamh bruscair agus na ceamaraí CCTV i Siúlóid Thaitneamhachta.
  • Ordú tugtha do Chomhairle Contae Chiarraí próiseáil sonraí pearsanta a chur ar bhonn comhlíonta ag glacadh an ghnímh áirithe a sonraíodh sa chinneadh.
  • Iomardú maidir le sáruithe Chomhairle Contae Chiarraí.

Chun tuilleadh faisnéise a fháil, is féidir leat cóip den chinneadh iomlán a íoslódáil ag an nasc seo (i mBéarla): Comhairle Chontae Chiarraí - Márta 2020 (PDF, 952 KB).

 

Fiosrúchán maidir leis an nGarda Síochána

Réimse: Garda

Tagairt DPC: 01-SIU-2018

Dáta Cinnidh: 23 Lúnasa 2019

Bhain an fiosrúchán seo le scéimeanna CCTV a bhí á bhfeidhmiú ag an nGarda Síochána de bhun Alt 38(3)(a) d’Acht an Garda Síochána 2005. Áirítear ar thorthaí a rinneadh sa chinneadh:

  • An toradh gur sháraigh an Garda Síochána na hAilt seo a leanas d’Acht 2018 maidir leis an úsáid a bhain siad as ceamaraí d’ Uathaithint Uimhirphlátaí (ANPR):
    • Alt 75(3) d’Acht 2018 nuair nár cuireadh an beartas cosanta sonraí cuí i bhfeidhm;
    • Alt 76 d’Acht 2018 nuair nár cuireadh an chosaint sonraí cuí i bhfeidhm trí dhearadh agus réamhshocrú coimircí maidir le ceamaraí ANPR; agus
    • Alt 84 mar gheall nár tugadh faoi mheasúnacht tionchar cosanta sonraí ar chóras faireachais ANPR a bhfuil siad ina rialaitheoir sonraí ina leith, tástáil a dhéanamh ar an riachtanas ó thaobh ceamaraí ANPR agus a léiriú go bhfuil údar maith le ceamaraí ANPR a úsáid agus go bhfuil an úsáid sin comhréireach
  • Áirítear ar na torthaí eile sa chinneadh, sáruithe a bhaineann le rochtain iomarcach chuig seomraí monatóireachta, comharthaíocht chuí agus trédhearcacht ginearálta, saincheisteanna rialachais a bhaineann le córais CCTV agus easpa conarthaí i scríbhinn idir an AGS agus próiseálaithe sonraí tríú páirtí.

Na cumhachtaí ceartaitheacha a cuireadh i bhfeidhm

  • Cosc sealadach ar phróiseáil sonraí pearsanta lena mbaineann oibriú ceamaraí ANPR.
  • Ordú tugtha don Gharda Síochána próiseáil a chuid sonraí pearsanta a chur ar bhonn comhlíonta ag glacadh an gníomh áirithe a sonraíodh sa chinneadh.
  • Iomardú maidir le sáruithe an Gharda Síochána.

Chun tuilleadh faisnéise a fháil, is féidir leat cóip den chinneadh iomlán a íoslódáil ag an nasc seo (i mBéarla): An Garda Síochána - Lúnasa 2019  (PDF, 836 KB).

 

Sharenting - Príomhleideanna

21st Mí na Samhna 2025

Measann a lán tuismitheoirí gur bealach chun nascadh go dearfach le cairde agus le baill teaghlaigh é garspriocanna tábhachtacha a phostáil agus a chomhroinnt, ach tá sé tábhachtach a chur san áireamh nach féidir le comhroinnt ar líne a bheith lánsábháilte riamh agus go bhfuil a lán rioscaí ag baint léi. ...

Fiosrúchán ar TikTok Technology Limited

Réimse: Cuideachta Phríobháideach Trasteorann

Airteagal: 46

Tagairt DPC: IN-21-9-2

Dáta Cinnidh: 30 Aibreán 2025

Dáta an Chinnidh: 30 Aibreán 2025

An 30 Aibreán 2025, ghlac Coimisiún na hÉireann um Chosaint Sonraí (‘an Coimisiún’) cinneadh críochnaitheach i bhfiosrúchán reachtúil dá dheoin féin maidir le Sonraí de chuid Úsáideoirí sa Limistéar Eorpach Eacnamaíoch (LEE) a d’aistrigh TikTok Technology Limited (‘TikTok’) chuig an tSín. Rinneadh an fiosrúchán de réir an Achta um Chosaint Sonraí, 2018, agus Airteagal 60 den Rialachán Ginearálta ón Aontas Eorpach maidir le Cosaint Sonraí (‘RGCS’). Bhí an Coimisiún inniúil chun gníomhú mar phríomhúdarás maoirseachta i leith na próiseála a bhí i gceist, de bhun Airteagal 56 RGCS. Sular glacadh é, chuir an Coimisiún dréacht den chinneadh uaidh faoi bhráid na nÚdarás Maoirseachta lena mBaineann i mí Feabhra 2025, mar a cheanglaítear faoi Airteagal 60(3) RGCS. Níor tharraing na hÚdaráis Mhaoirseachta lena mbaineann aon agóidí (chun críche Airteagal 60(4) RGCS) in aghaidh an dréachtchinnidh.

Cúlra an Phróisis Fiosrúcháin

Ba é a bhí i gceist leis na haistrithe sonraí pearsanta a breithníodh sa Chinneadh ná na Sonraí de chuid Úsáideoirí in LEE a d’aistrigh TikTok chuig an tSín tríd an gcianrochtain a bhí ag pearsanra de chuid ghrúpa cuideachtaí ByteDance sa tSín ar na sonraí pearsanta sin. Breithníodh sa Chinneadh cé acu a chomhlíon nó nár chomhlíon na haistrithe sin Caibidil V RGCS. Breithníodh sa Chinneadh freisin cé acu is amhlaidh nó nach amhlaidh, maidir leis an bhfaisnéis a sholáthair TikTok d’úsáideoirí maidir le haistrithe den sórt sin, a chomhlíon sí ceanglais trédhearcachta TikTok mar a cheanglaítear le RGCS.

Achoimre ar Chinntí

Chinn an Coimisiún gur sháraigh TikTok Airteagal 46(1) RGCS le linn raon feidhme ama an Fhiosrúcháin nuair a mhainnigh sé a fhíorú, a ráthú agus a thaispeáint, agus é ag déanamh na nAistrithe Sonraí, gur tugadh do na sonraí pearsanta de chuid Úsáideoirí in LEE a bhí ina n-ábhar do na hAistrithe Sonraí leibhéal cosanta a bhí coibhéiseach go bunúsach leis sin a ráthaítear laistigh den Aontas Eorpach.

Chinn an Coimisiún gur sháraigh TikTok Airteagal 13(1)(f) RGCS ón 29 Iúil 2020 go dtí an 1 Nollaig 2022 nuair a mhainnigh sé faisnéis riachtanach a thabhairt d’ábhair sonraí faoi na hAistrithe Sonraí agus nuair a mhainnigh sé faisnéis a thabhairt dóibh gur bhain an phróiseáil leis an gcianrochtain a bhí ag pearsanra atá lonnaithe sa tSín ar shonraí pearsanta a stóráiltear i Singeapór agus sna Stáit Aontaithe.

Bearta Ceartaitheacha

Tar éis dó na sáruithe ar RGCS atá leagtha amach thuas a bhreithniú, chinn an Coimisiún na cumhachtaí ceartaitheacha seo a leanas a fheidhmiú de réir Airteagal 58(2) RGCS:

  • Ordú de bhun Airteagal 58(2)(j) RGCS lena gceanglaítear ar TikTok Ireland na hAistrithe Sonraí a chur ar fionraí.
  • Ordú de bhun Airteagal 58(2)(d) RGCS lena gceanglaítear ar TikTok Ireland an phróiseáil a chur i gcomhréir leis an reachtaíocht. Leis an ordú sin, ceanglaítear ar TikTok a áirithiú, a luaithe a thiocfaidh an t-ordú i bhfeidhm, go scoirfear láithreach de phróiseáil a dhéanamh ar aon Sonraí de chuid Úsáideoirí in LEE atá lonnaithe sa tSín ag an am sin mar thoradh ar an Réiteach Cianrochtana.
  • Dhá fhíneáil riaracháin de bhun Airteagal 58(2)(i) RGCS mar a leanas:
    • Fíneáil €485 mhilliún maidir le sárú TikTok ar Airteagal 46(1) RGCS.
    • Fíneáil €45 mhilliún maidir le sárú TikTok ar Airteagal 13(1)(f) RGCS.

Chun tuilleadh faisnéise a fháil, is féidir leat na nithe seo a leanas a íoslódáil: