Próiseáil dhleathach
An bunús dlí do shonraí pearsanta a phróiseáil
Sula bhféadfaidh tú sonraí pearsanta a phróiseáil, ní mór duit bunús dlí a bheith agat do dhéanamh amhlaidh. Leagtar na forais dhleathacha le sonraí pearsanta a phróiseáil amach in Airteagal 6 den Rialachán Ginearálta maidir le Cosaint Sonraí. Is iad seo a leanas na forais sin:
- toiliú an duine aonair;
- conradh a chomhlíonadh;
- oibleagáid dhlíthiúil a chomhlíonadh;
- leasanna ríthábhachtacha aon duine a chosaint;
- cúram a chur i gcrích ar mhaithe le leas an phobail;
- nó freastal ar leasanna dlisteanacha aon chuideachta/eagraíochta (seachas i gcás ina mbeidh sáraíocht ag leasanna nó cearta agus saoirsí an ábhair shonraí ar na leasanna sin).