Cé Muid Féin

Is é an Coimisiún um Chosaint Sonraí (an Coimisiún) an t-údarás náisiúnta neamhspleách in Éirinn atá freagrach as seasamh leis an gceart bunúsach atá ag daoine aonair san Aontas Eorpach go dtabharfaí cosaint dá sonraí pearsanta. Dá réir sin, is é an Coimisiún an t-údarás maoirseachta in Éirinn atá freagrach as faireachán a dhéanamh ar chur i bhfeidhm an Rialacháin Ghinearálta maidir le Cosaint Sonraí (RGCS).

Tagann creataí rialála eile faoinár gcuid feidhmeanna agus cumhachtaí, lena n-áirítear Rialacháin na hÉireann um Príobháideacht agus Cumarsáid Leictreonach (2011) agus an Treoir ón Aontas Eorpach maidir le Cosaint Sonraí i réimse Fhorfheidhmiú an Dlí. Tá cumhachtaí, dualgais agus feidhmeanna reachtúla an Choimisiúin leagtha síos san Acht um Chosaint Sonraí, 2018, rud lena dtugtar tuilleadh éifeachta do RGCS agus don Treoir maidir le Cosaint Sonraí i réimse Fhorfheidhmiú an Dlí.

Tá feidhmeanna agus cumhachtaí áirithe againn faoin nGníomh um an Intleacht Shaorga ón Aontas Eorpach (2024) freisin. Tá na cumhachtaí, na dualgais agus na feidhmeanna reachtúla sin de chuid an Choimisiúin leagtha síos sa dlí intíre faoi I.R. Uimh. 366/2025 (arna leasú), faoin Acht um an Intleacht Shaorga a Rialáil (2026), agus faoin reachtaíocht atá le teacht lena nuashonrófar Acht 2026 chun foráil a dhéanamh do chumhachtaí maoirseachta agus forfheidhmiúcháin.

Ár Misean

Cearta cosanta sonraí a chaomhú ach comhlíonadh a bhrú chun cinn trí threoir, maoirseacht agus forfheidhmiú.